Bráðum koma blessuð jólin!

Jæja hún mamma mín tók sig til að skreyta heima, enda tími til komin. Ég var alveg rosalega duglegur að hjálpa henni(kannski einum of en allt í lagi). Ég fann jólasveininn minn sem hann afi minn gaf mér þegar ég var mjög lítill, hann singur og dansar. Einnig var jólasveininn sem hún Matta amma gaf mér og ekki má gleyma jólasveinahúfunni. Sem sagt ég er tilbúin fyrir jólin. Þegar ég var búin að hjálpa mömmu minni að skreyta þá var ég svo þreyttur að ég bað mömmu mína hvort það væri nú ekki í lagi að leggjast upp í rúm og leggja mig í smá stund. Þegar svo hún mamma mín ætlaði að fara sofa þá var nú ekki mikið pláss fyrir hana þar sem ég var komin í hennar rúm með jólasveinanna báða og húfuna. Ég er nú algjör jólasveinn! En mjög sætur jólasveinn!

Góði maðurinn í Kringlunni!

Síðasta sunnudag kom Elvar Goði vinur minn í heimsókn. Við tveir fengum að fara í ævintýraland í Kringlunni á meðan mamma,pabbi og Ásdís fengu sér kaffi. Þegar pabbi kom og sótti okkur í ævintýralandinu var ég smá óþekkur. Ég ákveðaði að fara mína eigin leið út úr Kringlunni sem gerði nú ekki mikla lukku hjá mömmu og pabba. Sem betur fer var ég stoppaður af góðum manni úti sem stóð með mér þar til að pabbi kom. Pabbi hafði hringt í mömmu sem var að versla með Ásdísi í hinni enda Kringlunnar og kom hún hlaupandi. En þá var pabbi búin að finna mig sem betur fer. Ég samt lofaði mömmu að gera þetta ekki aftur, þar sem við erum nú að fara til Afriku og það eru nú ekki allir eins góðir og maðurinn sem beið með mér fyrir utan Kringluna.
Ég sá nú reyndar eitthvað eftir þessu því um kvöldið þegar ég fór að sofa sagði ég við mömmu mín: Mamma! bara óþekkir strákar hlaupa í burtu en ég er ekki óþekkur er það nokkuð???
Svo líka þegar við fórum með bænirnar þá þakkaði ég Guði fyrir maninn(veit ekki hvað hann heitir en ég kalla hann góða maninn í Kringlunni).

Marteinn Elvarsson Sebrahestur

Það er nú ekki hægt að segja að hún móðir mín sé dugleg að skrifa fyrir mig vonandi fer það að lagast(bjartsýni). Þið eru kannski að undra ykkur á því hvers vegna mamma skrifar Marteinn Elvarsson Sebrahestur. Málið er að Mamma og ég fórum í Smáralindina að hitta Láru frænku og þar sem þær vildu tala eitthvað saman í "friði" þá var ég sendur í ævintýralandið, sem var nú bara í það fínasta þar sem mér finnst svo gaman að fara þangað. Þegar stúlkan spurði mig hvað ég héti sagði ég hátt og skírt "Marteinn Elvarsson SEBRAHESTUR". Hún tók þessu bara en spurði svo hvort það væri í lagi að hún skrifaði bara Matti Sebrahestur. Þá vildi ég aðeins hugsa mig um og sagði svo já eftir smá stund. Mamma og stúlkan hlógu bara svo af mér, ég skil það nú ekki alveg.

Hafið þið nú yndislegan dag!
Marteinn